Kab ho gai zindagi ki shab, kuch samajh nahi aaya
rukhsat ho gaye duniya se kab, kuch samajh nahi aaya
Sabki thi fikar-o-fugaan, sabse thi adavat-e-nihaan
unki is fitrat ka sabab, kuch samajh nahi aaya
Umr saari guzaar gaye yoon jid-o-jahad main woh
aakhir kis cheez ki thi talab, kuch samajh nahi aaya
Giraftaar-e-balaa the, ya khush te apni qazaa se
halath banaai thi aisi ajab, kuch samajh nahi aaya
Zindagi ka safar to tanha hi basar hua lekin
maiyyat main kyon shareek the sab, kuch samajh nahi aaya
October 13, 2006 2:37 pm at 2:37 pm
Zindagi ka safar to tanha hi basar hua lekin
maiyyat main kyon shareek the sab, kuch samajh nahi aaya
“Kabira jab tum paida huye…..jag hunsa tum roye
Aisi karni kar chale ….tum hunse jag roye”
October 13, 2006 2:41 pm at 2:41 pm
“Kyun mayoos ho itne, kyun itne ghamgeen ho,
itne ashna hain jab, Kuch samajh nahi aaya”
October 28, 2006 2:35 am at 2:35 am
Safar, kai baar khatam hota hai, aur phior shuru ho jata hai ..
Lekin ….
Uski baaten sunke yeh dil ne kaha;
Waqt-e-rukhsat se na ab bach payenge.
( http://madhyantar.blogspot.com/2006/09/zindagi-se-door-kahan-jaayenge.html )
April 17, 2007 1:58 am at 1:58 am
Tabiyat hi milli thi aisi
ki chaain se jeene ki surat na hui,
jisse chahha usse paa na sake ,
jo mila us se mohabbat na hui.